Federico Fellini

Federico Fellini (* 20. Januar 1920 z Rimini; † 31. Oktober 1993 z Rom) isch en italiänische Filmmacher gsi. Er gältet as äine vo de wichdigste Autorefilmer vom 20. Joorhundert. Si Stil isch e Mischig vo Fantastik und ere barocke Bildersprooch. Er het fümf Oscar überchoo, mee as jeede andere in dr Kategorii für dr Best Fremdi Film.

Dr Fellini het si Karriere as Schurnalist und Dräibuechautor aagfange. In de 1950er Joor isch er Reschissöör worde. Er het mit La Strada (1953–1954) en Oskar überchoo und La dolce Vita het 1960 z Cannes die Goldigi Palme überchoo und isch e Kasseschlaager worde. Mit sim 8½ (1962), wo vil vo sinere Biografii din isch, het er em Experimentalismus d Richdig aagee. Er het bis am Aafang vo de 1990er Joor Film gmacht, im Ganze vierezwanzig.